Cosa ci sarà sta sera o teatru?

Rumanzu - Stu rumanzu di Georges de Zerbi cambia tonu à pettu à i primi dui, per prupòneci un altru modu d’entre in una realità chì tene à core à u so autore, Bastia. Ma sta volta u tema bastiacciu hè cunsideratu da u latu ridìculu, vene à dì prupensu à fà ride ritrattendu a ghjente è e cose cù u mirinu còmicu.

Plus de détails


18,00 € TTC


Stu rumanzu di Georges de Zerbi cambia tonu à pettu à i primi dui, per prupòneci un altru modu d’entre in una realità chì tene à core à u so autore, Bastia. Ma sta volta u tema bastiacciu hè cunsideratu da u latu ridìculu, vene à dì prupensu à fà ride ritrattendu a ghjente è e cose cù u mirinu còmicu. Osservatore fine è precisu di a sucietà di a vechja capitale ghjenuvese ind’i so cumpurtamenti d’ogni ghjornu, u scrittore ci ne rende i persunagi scherzosi, u parlà savuritu, e situazione sfumacciute, i caràtteri infiarati è soprattuttu u sensu di a magagna arradicatu prufondu ind’è l’ìndule di i bastiacci.

Rumanzu hè, di siguru, vale à dì cun persunagi inventati, stonde imaginarie, situazione ingiardinate, ma iscritte in un quatru veru, cun diàlughi ispirati à l’abituale chjama è rispondi serratu trà persunagi, à mo’ di quelli ghjucatori chì si rimàndanu a palla da sopra à a reta.

Sottu à a penna di de Zerbi, a vita corre alegra è annacqua gurgugliante i carrughji di Bastia cum’è u suchju chì si sparghje à cullà, da u fustu finu à i ramicelli, per tene drittu è fieru l’àrburu frundutu cù a so ombra rinfriscante è salutìfera. À ogni capìtulu, pàgina dopu pàgina, a storia s’arricchisce di persunagi burlasconi chì s’intrèccianu ind’u racontu è chì danu à stu rumanzu a so forza còmica, a vis comica di i Rumani, fatta di qui pro quo è di situazione inaspettate, marcate da un zìnzicu di pazzìa umana è d’insustenìbule legezezza, ma chì rende l’imaginariu cusì vicinu à u veru!

Rumanzu scrittu per fà ride, bella sigura, è ancu per fà scaccanà da tantu chì tutti l’ingredienti sò stati scelti cun assai ricerca è ricchezza di mezi. Ma si pò misurà, dinù, longu u filu di u racontu, è guasi tuccà per ditu, u fàscinu chì Bastia stampa ind’u spìritu di l’autore è l’attaccamentu chì Georges de Zerbi porta à a so cità natìa. Stu rumanzu hè à tempu una grande òpera còmica è un puema à a gloria di Bastia.

EAN : 978-2-36984-006-0

Prix public : 18 €

Auteur : Georges de Zerbi

Georges de Zerbi

Natu in Bastia in u 1947, Georges de Zerbi era prufessore di talianu. Militante culturale, fù trà i primi, ind’i l’anni 70, à insignà a lingua è a cultura corsa. Giòvanu insignante in Ecchisu, hà seguitatu i corsi di Lingua è Cultura Corsa à l’Istitutu di Studii Corsi cù u Prufessore Farrandu Ettori. Elettu in Bastia, referente per a càrtula di a Lingua Corsa, hè statu incaricatu da u mere di prupone una signalètica bislingua per tutti i carrughji di a cità. Venutu cù u tardi à a scrittura, dopu compiu a so carriera d’insignante, hà scrittu dui rumanzi in lingua corsa :

- «L’ùltima pàgina», edizione Albiana/CCU 2009, Premiu di u Libru corsu 2010, Premiu di i lettori di a Cullettività Territuriale di Corsica, Traduttu in sardu da a casa editrice Condaghes è in catalanu da Fonoll.

- «U rimitu di Collu à Boziu», edizione Albiana/CCU 2011.

- Sermanacciu da u latu maternu, hà suttu à l’arte di a paghjella, ind’i l’anni 60 quand’ella era guasi per parisce.

- Tenore, titulare di parechji premii di Cunservatoriu, dirige una curale in Bastia è participeghja à ’emissione di RCFM : «Les fous d’Opéra».

Aucun commentaire n'a été publié pour le moment.

Seuls les utilisateurs enregistrés peuvent poster des commentaires.

Panier  

(vide)

Nouveautes

No new products at this time

Promotions